Del një pjesë e kontratës ‘së frikshme’/ E firmosën Andi dhe Tea, ja çfarë rrezikonin nëse largoheshin nga programi

Vijon ende jehona e lajmit të publikimit të lidhjes së fshehtë mes dy konkurrentëve të spektaklit “Përputhen”, Beartit dhe Teas.

Ndërkohë pas gjithë kësaj buje, të dy ata po justifikohen me kontratën ‘e frikshme’ që sipas tyre kanë nënshkruar para se të beheshin pjesë e programit.

Ditën që doli skandali, Andi deklaroi se kishin qenë të detyruar të dilnin si çift, pikërisht për shkak të kontratës.

Në një pjesë të publikuar në rrjetet sociale nga një faqe e fansave të tyre, në kontratë ndër të tjera thuhet se në rast prishjeje të imazhit të emisionit, konkurrenti detyrohet të paguajë një gjobë prej 5 mijë eurosh.

Megjithëse ende nuk është konfirmuar që kjo ishte kontrata e vërtetë për të cilën Andi shkruante në “Instastory”.

Gjithashtu nuk dihet nëse të dy do të jenë të detyruar të paguajnë “dëmin” për prishje imazhi.