LIGJET E BIZNESIT
Një ngjarje tronditëse është ajo që ka ndodhur brenda një familjeje në fshatin Grabjan të Divjakës.
Një banor ka denoncuar dhunën që nipi ka ushtruar ndaj gjyshes së tij.
Djali i të moshuarës rrëfen se mbrëmjen e djeshme ndodhej në qytetin e Fierit për të pritur djalin që i vinte nga Greqia.
Në momentin që u kthye në shtëpi e gjeti të ëmën të zhveshur dhe të rrënuar.
Sipas tij e moshuara i kishte thënë se ishte përdhunuar nga nipi me inicialet S.M., në gjendje të dehur, i cili u arrestua ditën e sotme në Lushnjë.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
“Më bëri si do vetë. E lashë të më torturojë”, thotë e moshuara.
“Vajtëm për të marrë çunin në Fier me një taksi se vinte nga Greqia. Kur erdhëm këtu pashë plakën të vrarë me gjak.
Unë e kapja kshu nga supet, ky e kishte zhveshur dhe e kishte rrahur. Kur e pyeta nënën më tha që e kishte përdhunuar. Djali ishte i dehur. Të nesërmen vajta te Kozmai dhe ai më tha të shkoja ta denoncoja”, thotë djali i të dhunuarës.
Ndërkohë policia e Divjakës ka njoftuar se e ka arrestuar 36-vjecarin, i cili akuzohet se ka rrahur dhe përdhunuar gjyshen e tij 89- vjecare.
NJOFTIMI ZYRTAR I POLICISE
Sot rreth orës 10:30, njoftohemi se në fshatin Grabian, shtetasi S. M., 36 vjeç, ka ushtruar dhunë fizike ndaj gjyshes së tij, shtetases H. K., 89 vjeçe, e cila ndodhet në spitalin e Lushnjes nën kujdesin e mjekëve. Shërbimet e Policisë kanë bërë kapjen dhe shoqërimin në Komisariat të shtetasit S. M dhe po kryhen veprimet procedurale.
Grupi hetimor po punon për zbardhjen e plotë të rrethanave të ngjarjes.
