E rëndë/ U përplasën teksa kalonin vijat e bardha, ndërron jetë burri. Gruaja niset për te Trauma

Një aksident i rëndë ka ndodhur mbrëmjen e djeshme në qytetin e Fierit.

Bëhet fjalë për një çift bashkëshortësh, të cilët janë përplasur nga një makinë në momentin që po kalonin vijat e bardha.

Ata janë identifikuar si shtetasit Ilirian Merdanaj, 67-vjeç dhe bashkëshortja e tij Gjinovefa Merdanaj.

Për fat të keq burri nuk ka arritur ti mbijetojë përplasjes së fortë, ndërsa gruaja është dërguar me urgjencë në spitalin e Traumës në Tiranë.

Ngjarja ndodhi rreth orës 18:15 në unazën e qytetit Fier, ku shtetasi L,B 30-vjeç duke drejtuar mjetin e tij ka aksidentuar çiftin e bashkëshortëve në momentin kur ata po kalonin rrugën në vijat e bardha.

“L. B., 30 vjeç, banues në Fier, pasi në datë 30.01.2021, rreth orës 18:15, në vendin e quajtur “Kthesa e Etc”, duke drejtuar automjetin tip “Seat” ka aksidentuar dy këmbësorë, shtetasit I. M., dhe Gj. M., të dy 67 vjeç. Shtetasi I. M., gjatë orëve të natës ka ndërruar jetë në spital, ndërsa shtetasja Gj. M., ndodhet në spital nën kujdesin e mjekëve”, thuhej në njoftimin zyrtar të policisë.