Dita e fundit e javës/ Mësoni si do të jetë moti për të gjithë ata që kanë bërë plane

Kështu, mëngjesi do të nisë me mot të kthjellët dhe gradualisht do të ketë shtim vranësirash deri të dendura në orët e mesditës shoqëruar me reshje shiu të dobëta dhe lokale.

Sipas parashikimit, pas orëve të drekës dhe të pasdites gjithashtu do të ketë reshje shiu të vazhdueshme me intensitet mesatar dhe të lartë në formën e rrebesheve dhe stuhive kryesisht në veri dhe jug të vendit.

Ndërsa kohëzgjatja e reshjeve intensive do të jetë kryesisht nga orët e drekës deri ato të pasdites. Më pas intensiteti i reshjeve bie dhe bëhen mesatare në të gjithë territorin. Borë në lartësitë mbi 1000m.

Moti me vranësira vazhdon edhe ditën e Hënë. Por, për këtë ditë reshjet do të jenë të herëpashershme në të gjithë territorin dhe intensitet të ulët dhe mesatar. Intensiteti mesatar do të jetë kryesisht në zonën e veriut dhe jugut.

Përsëri edhe për këtë ditë në lartësitë mbi 1000 metër do të ketë reshje të dobta dëbore.