Pa maska dhe shumë të qetë, ja si i vjedhin makinat të rinjtë në Elbasan (VIDEO)

Përpos vjedhjes së sendeve me vlerë si telefonat, byrzylykët apo edhe deri te biçikletat, fenomeni është përhapur edhe më gjerë. Të rinjë të papërgjegjëshëm që qetësisht marrin guximin për të vjedhur edhe makinat e parkuara në lagjet e qyteteve.

Një rast i tillë është regjistruar në lagjen “Hekurudhat” të Elbasanit. Dy të rinj janë pikasur nga kamera e sigurisë duke kaluar pa rënë në sy, teksa në një moment, njëri prej tyre ndalet kur sheh një makinë aty pranë.

Me një qetësi të frikshme, personi i pamaskuar hap derën e makinës dhe nga aty vjedh sendet që gjendeshin në të. Me siguri në makinë nuk ka qenë çelsi i kuadrit që do bënte të mundur ndezjen e makinës, pasi edhe automjeti në pak sekonda nuk do gjendej më aty.