LIGJET E BIZNESIT
Deputeti Enver Roshi u infektua me C OVID19 tre muaj më parë.
Ai kaloi një situatë mjaft të vështirë nga ana shëndetësore.
Në një intervistë për ‘Hard Talk’, Roshi deklaron se ditët kur ai ishte i shtruar në spital në Turqi ishin ditët më të vështira në jetën e tij.
-Sa ditë keni qëndruar në Turqi?
-Unë kam qëndruar rreth 20 ditë në Turqi.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
-Si e morët vendimin?
-Ka qenë një vendim i vështirë. Gjendja ime brenda 24 orëve u përkeqësua në mënyrë shumë të shpejtë. Ka qenë një vendimmarrje e familjes, e miqve dhe shokëve të mi. Unë në atë situatë psikologjike që isha e kisha shumë të vështirë vendimmarrjen. Unë mendoja vetëm për ikjen nga jeta në ato momente. Kjo ishte situate ku ndodhesha. Nuk mund të gjykoja fare për veten time. Po mendoja që jeta ime kaq ishte. Ishte vendimmarrja e familjes sime dhe për çdo gjë vendosi familja.
-Çfarë simptomash kishit që morët vendimin për të ikur?
-Unë isha në Sanatorium. Pata një lodhje të madhe në frymëmarrje, ika me këmbët e mia në spital. Pas një ore u shtriva në oksigjen. Kur bëra skanerin dola me një ngarkesë virale shumë të madhe. Pyeta mjekun, i thashë: a do shpëtoj? Ngriti duart lart. Pastaj unë nuk dija gjë për veten time. I rënduar psikologjikisht, të nesërmen familja më tha se do më nisnin në Turqi. Unë nuk e dija që ekzistonte Turqia si mundësi në atë kohë.
-Shkuat në Turqi me avion të posaçëm?
-Po, me avion sanitar. Kam qenë 12 ditë në reanimacion. 7 ditët e para gjendja ime nuk përcaktohej. Ditën e tetë kur më ka ardhur shefi i spitalit më tha që do pimë kafe pas një jave. Për shtatë ditë lutesha të shpëtoja. Këtë gjendjen time nu kia uroj askujt në Shqipëri.
