Surprizat e motit/ Meteorologët zbulojnë kur nisin reshjet e shiut, ja sa shkojnë temperaturat nesër

Instituti i Gjeoshkencave, Energjisë, Ujit dhe Mjedisit (IGJEUM) ka thënë sot se nivelet e ujit në Liqenin e Shkodrës dhe Lumin Buna do të vijojnë dhe sot të jenë të larta, por me një tendencë rënieje gjatë ditës së nesërme.

Ndërsa përsa i përket situatës së reshjeve, sot pasdite (e enjte, dt.28) nuk priten shira.

Nesër (e premte, dt. 29) priten reshje mesatare në qarqet Shkodër, Lezhë, Kukës, Durrës, Tiranë, Vlorë dhe Gjirokastër, ndërsa në qarqet e tjerë priten reshje të dobëta (siç tregohet në tabelë, respektivisht për secilin qark).

Në veri, verilindje dhe juglindje të vendit, reshjet priten të jenë në formë dëbore në lartësitë më të mëdha se 300m mbi nivelin e detit.

TEMPERATURAT

Nesër (e premte, dt. 29) temperaturat minimale dhe maksimale të ajrit pritet të arrijnë:
në bregdet: 2 / 13 °C
në vendet e ulëta: 3 / 10 °C
në vendet malore: -3 / 5 °C

ERA

Sot pasdite (e enjte, dt. 28) dhe nesër (e premte, dt. 29) era pritet të fryjë e lehtë deri mesatare.