“Gjumë të ëmbël” Reagon Rama pas programit të Partisë Demokratike: Njësoj si tramvaji i Tiranës

Kryeministri Edi Rama ka reaguar pas prezantimit të programit ekonomik të Partisë Demokratike.

Me ironi, ai shkruan në rrjete sociale se programi ngjason me premtimin për ndërtimin e një tramvaji në Tiranë në vitin 2011, premtim ky i bërë nga Basha kur kandidonte për kryetar bashkie por nuk u realizua.

Reagimi vjen disa orë pasi PD prezantoi sot programin ekonomik. Kryedemokrati Lulzim Basha u zotua se PD do të hapë 110 mijë vende të reja pune, do të ndihmojë fermerët, do të kompesojë me 100% interesat e kredive për strehim, do të japë 100 milionë euro mbështetje direkte për fermerët dhe bujqësinë, dhe po ashtu do të japë ndihmë për studentët që vijnë nga familje me të ardhura më pak se 640 mijë lekë të vjetra në muaj.