Për pak po mbyteshin/ Flet i riu hero që shpëtoi 2 fëmijët në lumin Gjanica: Njërit i shkau këmba

Ledion Mita është i riu që shpëtoi sot jetën e dy fëmijëve.

Vogëlushët ranë në shtratin e lumit Gjanica duke rrezikuar mbytjen.

Në dëshminë e tij i riu tregon se kishte dalë xhiro, por në një moment pa vajzën që ran ë lumë dhe pas saj u hodh dhe vëllai për ta ndihmuar, por që të dy i kishte marrë rryma.

Ai shprehet se në atë moment është hedhur për të shpëtuar fëmijët. Mita tregon se së pari shpëtoi vajzën që ishte më në gjendje të rëndë dhe më pas djalin.

“Kisha dalë xhiro dhe i pashë te kangjellat njërit prej fëmijëve i shkau këmba. Tjetri u hodh për të ndihmuar të motrën dhe aty i mori rryma dhe i solli deri këtu. E pashë se skishin shpëtim, u hodha i nxorra jashtë. Vajza vajti zëre e vdekur, kurse djali rezistoi pak më tepër, vajzën e nxora të parën të dytin djalin. Erdhi ambulanca, i mori dhe i çoi në spital”, thotë Redion Mita.

Fëmijët ndodhen në spital, jashtë rrezikut për jetën.