Datë e shënuar/ Ismail Kadare feston sot ditëlindjen, ja sa vjeç mbush gjeniu i letrave shqipe

Ai është konsideruar si një nga kolosët më të mëdhenj të letërsisë shqiptare.

Bëhet fjalë për Ismail Kadarenë, i cili feston sot 85-vjetorin e lindjes.

Gjeniu i letrave shqipe u lind në Gjirokastër, më 28 janar 1936.

Kadare është një ndër shkrimtarët më të mëdhenj bashkëkohorë, akademik dhe ish-deputet dhe zv.kryetar i Frontit Demokratik.

Si shkrimtar shquhet kryesisht për prozë, por ka botuar dhe vëllime poezish si dhe ese.

Nisi të shkruajë kur ishte ende i ri, fillimisht poezi, me të cilat u bë i njohur, e më pas edhe prozë, duke u bërë prozatori kryesor shqiptar.

Deri më sot veprat e tij janë përkthyer në rreth 45 gjuhë të ndryshme, duke qenë kështu përfaqësues kryesor i letërsisë shqipe nëpër botë.