LIGJET E BIZNESIT
Testi pozitiv i Co vid-të i mjekut Pëllumb Pipero, i cili ishte ndër të parët që mori dozën e vaksinës së ko ronavirusit ka krijuar polemika në vend.
Kjo situatë ka krijuar pikëpyetje për efektshmërinë e vaksinës.
Por kreu i emergjencës kombëtare, Skënder Brataj më në fund ka treguar edhe kohën që i duhet vaksinës për të qënë e efektshme.
Në emisionin Opinion, Brataj ka pohuar se ajo nis 28 ditë pasi merret doza e dytë e vaksinës.
I ndalur tek vaksinimi në vendin tonë, Drejtuesi i Urgjencës Kombëtare tha se deri më tani janë vaksinuar me dozën e parë rreth 600 persona.
“Doktor Pipero ka qenë dhe në ditën e fundit nga më të rrezikuarit se ka qenë në kontakt me të sëmurët. Në Izreal ka më shumë raste pasi është i vetmi shtet që ka vaksinuar 45% të popullatës. Tek ne janë rreth 600 veta të vaksinuar me dozën e parë. Atë që dua të them është fakti që dallimi midis vaksinave dhe efekteve që ato japin. Në ditën e 7 dhe 17 me dozën e parë fillon të zgjohet imuniteti tek ne dhe mund të prodhojë diosa anti-trupa nuk mjaftojnë për mbrojtjen ndaj virusit. Vaksina MRNA që iu injektohet personave nuk është virus por janë përbërje proteinike të virusit të cilat nuk shkaktojnë COVID-19. Por, edhe pas bërjes së dozës së dytë nuk je i mbrotjur nga COVID-19, ajo arrihet minimumi pas javës së parë të dozës së dytë që i bie gati një muaj, 28 ditë, që vijon të jemi mbi 70% të mbrojtur nga virusi.”-tha Brataj.
