LIGJET E BIZNESIT
Lajmi që bëri më shumë bujë sot është infektimi i mjekut infeksionist Pëllumb Pipero me C OVID19, 14 ditë pasi mori dozën e parë të vaksinës “Pfizer”.
Në lidhje me këtë fenomen që habiti jo pak njerëz, ka folur dhe epidemiologu i njohur Erion Dasho.
Në një lidhje me programin “Shqipëria Live”, ai foli rreth kësaj çështje, se si mund të infektohesh pasi ke marrë dozën e parë të vaksinës.
Teksa i uroj shërim sa më të shpejtë, Dasho tha se nuk është “çudi që Pipero është infektuar nga Covid edhe pse ka marrë dozën e parë të vaksinës”.
“Ky është një informacion që ishte i njohur. Që kur doli vaksina u sqarua se duhen të dy dozat që të kthehesh në imun. Pas administrimit të dozës së parë, duhen dy javë që të bëhesh imun 50 për qind. Gjithashtu dhe pas administrimit të dozës së dytë, duhet të kalojnë dy javë të tjera që të bëhesh imun 95 për qind. Kujtojmë se në Izrale janë mbi 1000 të vaksinuar me dozën e parë që më pas kanë rezultuar pozitiv me koronavirus”, tha Dasho.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
I pyetur nëse mund ta kalojë më lehtë Pipero këtë situatë pasi është i vaksinuar, epidemiologu tha “po”.
“Do ta kalojë më e lehtë, pasi ka nisur që të ndërtohet imuniteti nga doza e parë e vaksinës pasi kanë kaluar 14 ditë”, shtoi ai.
Ndërsa pyetjes “a mund të infektohesh pasi ke marrë të dy dozat?”, Dasho tha: “Do të ketë edhe raste kur mund të infektohesh kur ke marrë të dyja dozat. Në mjekësi nuk ka as zero dhe 100 për qind nëse do të ndodhë apo jo një gjë”.
Dasho tha se nuk ka ende përgjigje nëse mund ta marrësh dozën e dytë të vaksinës, pasi ke rezultuar pozitiv me Covid pas marrjes së dozës së parë.
“Në raste të tilla nuk kam një përgjigje, por se besoj se nuk mund ta marrë për aq kohë sa është aktiv virusi. Ndërsa pasi ta kalojë, do të shikohet”, përfundoi Dasho.
