I mori 8 mln lekë vajzës së pacientes që e la të vdiste, ja çfarë vendosi sot Gjykata për Tire Alldervishin

Ditën e sotme Gjykata e Tiranës ka dhënë masën e sigurisë “arrest me burg” për sanitaren Tire Alldervishi.

Kujtojmë që emri i kësaj të fundit u bë i njohur pas skandalit në spitalin “Shefqet Ndroqi”, ku ajo i mori 8 milionë lekë vajzës së pacientes me C OVID19 duke u hequr si infermiere, dhe më pas e neglizhoi atë duke mos i dhënë ushqim dhe ujë pasi nuk donte ta ndërronte, derisa nëna ndërroi jetë.

Vajza vendosi të bëntë publike ngjarjen në programin “Stop”, ku reagimi i opinionit publik ishte mjaft i madh duke e dënuar aktin në fjalë.

Ndërkohë menjëherë sapo Alldervishi ra në pranga pas deoncimit të vajzës, ajo pretendoi  se ishte e infektuar me C OVID19 e se nuk i prishte punë njeriut nëse do lirohej.

Ajo pretendon se ka qënë edhe vetë e shtruar në spital për shkak se ishte e infektuar, por ende nuk është negativizuar dhe për këtë arsye përbën rrezik për të infektuar të tjerë në qelitë e paraburgimit.

Nga ana tjetër policia po vijon hetimet për të zbuluar se nëse ka të tjerë persona të përfshirë në skemën e mashtrimit.