Merrnin 600 euro për të falsifikuar testet e C OVID, arrestohen 4 persona në Tiranë (EMRAT)

Policia e Tiranës ka vënë në pranga 4 persona, pasi falsifikonin testet e C OVID19 dhe garancitë për të shkuar në vendet e Bashkimit Europian, kryesisht në Gjermani.

Uniformat blu bëjnë me dije se është finalizuar operacioni policor i koduar “Shtegtimi”, si rezultat i të cilit është bërë arrestimi në flagrancë i shtetasve:

– Ergys Vejseli, 34 vjeç, Gentiana Konini, 44 vjeçe, Klotilda Çela, 32 vjeçe dhe Petrit Cara, 37 vjeç, të katërt banues në Tiranë, me aktivitet tregtar biznes privat agjenci udhëtimi.

Këta shtetas, në bashkëpunim me njëri-tjetrin, duke përfituar nga situata e pandemisë ‘’COVID-19’’, nëpërmjet kamuflimit, për t’u mundësuar udhëtarëve të ndryshëm vajtjen në vendet e BE-së, kryesisht në Gjermani, kanë përfituar shumën 600 euro për person, duke shmangur detyrimet tatimore, si dhe kanë falsifikuar formularë të testit ‘’COVID-19’’ dhe garanci të destinacionit të vendit pritës.

Materialet i kaluan Prokurorisë së Rrethit Gjyqësor Tiranë, për veprat penale “Mashtrimi“, “Falsifikimi i dokumenteve”, “Fshehja e të ardhurave” dhe “Mospagimi i taksave dhe tatimeve”.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern