Aksident që në mëngjes/ Kamioni përplaset me ‘Benz’-in, ndërron jetë 30-vjeçari (EMRI)

Një aksident i rëndë ka ndodhur mëngjesin e sotëm në Fier.

Për pasojë ka humbur jetën një 30-vjeçar.

Sipas informacioneve viktima është shtetasi Klement Basha.

Nga përplasja e fortë e mjetit të tij “Mercedes Benz” me të cilin ai udhëtonte me një kamion të tonazhit të rëndë,  30 vjeçari ka humbur jetën.

Aksidenti i rëndë me një viktimë ka ndodhur rreth orës 06:20, në aksin rrugor Fier-Patos, në vendin e quajtur “Portëz”. Ndërkohë, drejtuesi i kamionit, shtetasi me inicialet B.S, është shoqëruar në Komisariatin e Policisë për zbardhjen e plotë të rrethanave të ngjarjes.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

NJOFTIMI ZYRTAR I POLICISE

Sot rreth orës 06:20, në aksin rrugor Fier-Patos, në vendin e quajtur “Portëz”, shetasi K. B., 30 vjeç, banues në Fier, duke drejtuar automjetin tip “Benz” është përplasur me kamionin me drejtues shtetasin B. S., 52 vjeç, banues në Fier.

Si pasojë e përplasjes ka gjetur vdekjen drejtuesi i automjetit tip “Benz” shtetasi K. B. Eshtë shoqëruar në Komisariat drejtuesi i kamionit, shtetasi B. S dhe po kryhen veprimet procedurale. Grupi hetimor po punon për zbardhjen e plotë të rrethanave të aksidentit.