Pandemia në Shqipëri/ Epidemiologu i njohur ka një lajm të mirë

Edhe pse shifrat e rasteve të reja nga C OVID19 në vendin tonë janë ende të larta, mjeku i njohur epidemiolog Ilir Alimehmeti ka deklaruar se në këtë periudhë janë ulur shtrimet në spital dhe humbjet e jetës.

Sipas tij kjo gjë lidhet me infektimet e moshave të reja dhe mungesën e shenjave klinike te kjo kategori.

“Pra nëse shkon infeksioni drejt moshave të reja normale dhe për spitalin do të ketë më pak nevojë. Fakti është që edhe pse shifrat janë konsistente, shifrat në spital janë të buta”, shtoi mjeku.

Alimehmeti është kundër vendimit të Komitetit Teknik për të mbajtur mbyllur shkollat e larta në të gjithë vendin. Sipas epidemiologut, të rinjtë nuk shkojnë në auditore, por mund ta përhapin virusin kur mblidhen së bashku në bare dhe lokale.

“Kemi kafenetë hapur dhe shkollat mbyllur që nuk është koherente. Në universitete ka një ambient më të sigurt seç është kafeneja”, tha Alimehmeti për A2.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern