LIGJET E BIZNESIT
Një nga episodet që po bën më shumë zhurmë orët e fundit është komenti i Albi Nakos ndaj konkurrentes 40-vjeçare në spektaklin “Just Dance”.
“Për mua është personazh tipik i atyre filmave “Planeti i majmunëve”. Komplimente, por unë mendoj që të garosh me këta të rinj, pa përjashtuar gjithë energjinë tënde, je në një moshë…më mirë martohu dhe bëj fëmijë”, i tha ai.
I gjithë publiku hodhi një lumë kritikash ndaj Albit, por konkurrentja ka reaguar menjëherë pas komenteve.
E kontaktuar nga xing.al, gruaja që quhet Bela ka treguar se ajo dhe Albi janë miq prej 20 vitesh dhe gjithçka ka qenë në formën e një shakaje, e cila ishte e menduar paraprakisht.
“Me Albin njihem prej 20 vitesh, jemi miq shumë të mirë, punoj te kompania e Albit dhe jap mësim në lëndën e gjimnastikës. Batuta të tilla ne i bëjmë tërë kohën me njëri-tjetrin, madje dhe më keq, sepse janë një mënyrë për të çliruar stresin e punës. Ajo që ndodhi në emision ishte një lloj shakaje për të cilën kishim rënë dakord paraprakisht dhe nuk prisnim që njerëzit të reagonin në këtë mënyrë. Unë Albit i jam shumë mirënjohëse dhe e respektoj shumë si koleg”, tha ajo.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
