“Jemi në një moment shumë të vështirë” Rrëfehet Rudina Hajdari, flet për marrëdhënien me bashkëshortin

Mbrëmjen e sotme deputetja Rudina Hajdari ka zbuluar se po kalon një kohë të vështirë me bashkëshortin.

E ftuar në programin “Shiko Kush Luan”, Hajdari u pyet për sherrin më të madh që ka patur me të, dhe rrëfeu se në fakt momentin më të vështirë me të është duke e përjetuar tani.

“Sherrin më të madh….ky qenka një kurth më duket, atëherë ne kemi shumë vite bashkë, kemi një vajzë..kemi kaluar uljet dhe ngritjet tona, unë u largova nga SHBA-ja dhe jam këtu për arsyet që dihen dhe në fakt tani po kalojmë një moment shumë të vështirë, por ai është një baba i shkëlqyer. Unë e di që më mbështet dhe do të vazhdojë të më mbështesë gjithmonë në këtë që bëj,”- tha Hajdari.

Gjithsesi, arsyen e kësaj krize në çift, deputetja nuk e zbuloi. Ajo po jeton bashkë me të bijën në Shqipëri, ku dhe është angazhuar politikisht.