Askush nuk e dinte/ Basha zbulon qarkun ku do kandidojë për zgjedhje: Ky qytet më ka besuar

Teksa tre muaj na ndajnë nga zgjedhjet, kryetari i PD Lulzim Basha ka zbuluar se do të kandidojë vetëm në qarkun e Tiranës.

I ftuar në programin “Kjo Javë”, ai tha se nuk do të garojë në asnjë qark tjetër veç kryeqytetit.

Arsyeja e këtij vendimi sipas liderit demokrat është se Tirana i besoi për herë të parë përfaqësimin si deputet.

Nisida Tufa: Po flisnim për ekipin e tij, për sfidat që ka vet kryetari i Partisë Demokratike. Ju vetë ku do të garoni, zoti Basha?

Lulzim Basha: Do të garoj në qytetin e Tiranës.

Nisida Tufa: Në Tiranë.

Lulzim Basha: Ky qytet më ka besuar për herë të parë përfaqësimin si deputet. Më ka besuar drejtimin si kryebashkiak dhe unë do të garojë në qytetin e Tiranës. Jo nuk do të garoj në asnjë qark tjetër. Çdo qark do të ketë deputetët e vet dhe drejtuesit e vet.

Nisida Tufa: Dhe e gjithë fushata, e gjithë vëmendja besoj sikurse është edhe ekipi juaj ka në mënyrë paralele kudo, për Tiranën do të jetë edhe më tej për ju.

Lulzim Basha: Padiskutim që po! Megjithëse si kryetar i partisë dhe si kandidati për kryeministër, i opozitës së bashkuar, unë do të bëj fushatë në të gjithë vendin, padiskutim.