Beteja me drejtësinë/ Vjen lëvizja më e fundit, ja çfarë ka ndodhur me dosjen e Saimir Tahirit

Vijon beteja me drejtësine e ish-ministrit të Brendshëm Saimir Tahiri.

Mësohet se Gjykata e Lartë ka kaluar për gjykim dosjen penale ndaj tij.

I njëjti vendim është marrë dhe për ish-drejtorin e policisë Vlorë Jaeld Çela.

Vendimi u mor në dhomën e këshillimit, pas rekursit të Tahirit disa muaj më parë.

Kujtojmë se ish-ministri është dënuar nga Krimet e Rënda për shpërdorim detyre me 3 vite shërbim prove. Me 3 vite e 4 muaj burg u dënua Jaeld Çela. Të dy u akuzuan për trafik droge në kuadër të grupit kriminal të drejtuar nga Moisi Habilaj.

Më pas Apeli i Posaçëm e prishi vendimin dhe e ktheu për rigjykim në shkallën e parë, ndërsa Saimir Tahiri dhe Çela iu drejtuan gjykatës së Lartë me rekurs, që u pranua.