“Përgjigje kryeministri kjo?!” Rama përplaset keq me komentuesin: Mos rri shumë në kafene

Kryeministri Edi Rama zgjedh të ndajë me ndjekësit në rrjetet sociale aktivitete nga puna e tij e përditshme.

Por jo gjithmonë këto gjëra priten mirë nga ana e komentuesve.

Nuk janë të pakta rastet, kur kreu i qeverisë zgjedh ti kthejë vetë përgjigjet, madje dhe duke replikuar.

E njëjta gjë ka ndodhur dhe në postimin ku Rama tregoi se ishte ne Fier, për të parë nga afër kantierin e punimeve për ndërtimin e spitalit nga qeveria turke.

Një komentues i shkroi se nuk kanë nevojë vetëm për godina të reja, por edhe shërbim, ndërsa kryeministri iu përgjigj i thënë se në rast se vëren parregullsi, ta denoncojë.

Ndërkohë, një tjetër i thotë se pronarët e tokave nuk janë dëmshpërblyer sipas ligjit, e madje se janë shpronësuar me dhunë dhe me dëmshpërblim të pakët.

Ndërsa Rama i përgjigjet: “Mos rri shumë në kafene se çfarë nuk dëgjon dhe të bëhet truri si filxhan kafeje”.