“Dyshoj që ishe në protestë” Gazetari lë studion pas sherrit me deputetin për 21 janarin: Nuk ulem në tavolinë me njerëz si ju

Sot u shënuan 10 vite nga protesta e 21 janarit në bulevardin “Dëshmorët e Kombit” në Tiranë pranë kryeministrisë, ku mbetën të vrarë 4 protestues.

Ndërkohë shumë debate televizive janë zhvilluar sot në lidhje me këtë temë.

Konkretisht, deputeti socialist i PS Alket Hyseni u përplas me gazetarët Juli Xhokashi dhe Koloreto Cukali.

Ai ngriti pikëpyetjen nëse ata kishin dijeni apo kanë qenë në protestën e 10 viteve më parë.

Por menjëherë pas kësaj deklarate, Cukali ka vendosur të heqë mikrofonin në shenjë proteste dhe të largohej nga studio.

Alket Hyseni: E dyshoj që keni qenë në protestën e 21 janarit?
Koloreto Cukali: Jo, jo, do iki. Zotëria po vë në dyshim integritetin tim.
Alket Hyseni: Jo dyshoj sepse po të kishe qenë atje, do të bëhej mishi kokërr me këtë logjike.

Koloreto Cukali: Unë me njerëz si ju nuk ulem në tavolinë. Vazhdoni bëni propagandë. Unë jam këtu sepse më ka ftuar Fredi, por me njerëz si ju nuk ulem dhe bisedoj. Ju sulmin e keni metodologji.
Alfred Lela: Dëgjo një sekond, po hakmerresh me Hysenin por po ma bën mua.
Koloreto Cukali: Është e drejta ime të dyshoj. Nuk akuzoj askënd, por të dyshoj mundem.