“Janë prishur provat” Eksperti i policisë flet për zhdukjen e biznesmenit italian në Shqipëri: Nuk është ngjarje aksidentale

Një nga lajmet më të bujshme të javës që shkoi ishte zhdukja e biznesmenit italian në Shqipëri Davide Pecorelli.

Ndërkohë në lidhje me këtë ngjarje ka folur mbrëmjen e sotme dhe eksperti i policisë Arjan Hoxha.

Ai tha se janë prishur provat në vendin e ngjarjes, në autostradën Gjegjan Reps në Pukë, ku u gjet i djegur mjeti tip “Skoda Fabia”, që ishte marrë me qira në Rinas nga italiani.

“Për mua s’është ngjarje aksidentale, kjo mund të jetë me shpërthim, se gazi shpërthen 10-15 minuta pas zjarrit që të jep kohë të largohesh. Dhe ne nuk kemi pistë që viktima të jetë përpjekur të largohet.

Kemi një vendngjarje të prishur, sepse veprimet e para hetimore janë të papërsëritshme ,se sa do të rindërtosh mund të jenë prishur provat. Çdo oficer duhet të siguronte vendin e ngjarjes por në asnjë mënyrë mos të ndërhynin e aq më tepër të gjendet trupi ditën tjetë”, u shpreh Arjan Hoxha në Open.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern