A do jetë kryeministre pas 25 prillit? Ja si përgjigjet Monika Kryemadhi

Kryetarja e LSI Monika Kryemadhi ka deklaruar së fundmi se në rast se opozita fiton zgjedhjet, nuk e aspiron postin e kryeministrit.

Ajo shtoi se para se të flasim për karrige, duhet të nxjerrim popullin që të votojë.

PJESE NGA INTERVISTA:

A është zoti Basha kandidat për kryeministër?

Zoti Basha e ka deklaruar shumë muaj pas meje. Unë e kam thënë shumë muaj para. S’kam shenjë kompleksi për sa i përket qeverise së ardhme. Ajo që është më rëndësi është që të bëjmë një referendum për shqiptarët. Sa i përket karrigeve, është populli ai që do të vendos. Përpara se të flasim për karrige, të nxjerrim popullin të votojë.

Ju nuk e aspironi?

Mendoj se çdo aspiratë e Monika Kryemadhit s’ka të bëjë me karriget e pushtetarve. Që kur kam qenë anëtare e Formimit Rinor, dhe deri sot, s’kam pasur asnjë post shtetëror. S’ka qenë ky qëllimi i Kryemadhit. Qëllimi është që rinia shqiptare ta gëzojë vendin.