LIGJET E BIZNESIT
Ish-kryeparlamentarja Jozefina Topalli e cila është njëkohësisht kryetare e Lëvizjes për Ndryshim, ka folur për bashkëpunimin e saj me Astrit Patozin.
Ajo është shprehur se akoma nuk ka një ndarje të qarqeve ku do të kandidojnë por e rëndësishme është që kanë një qëndrim të përbashkët.
Sipas saj pjesë e partisë së saj nuk do të jenë më emra të njohur që janë shkëputur nga PD-ja siç është Imami, Rusmajli, por do të jenë emra të tjerë.
“Këto parti janë krijuar për situatën në të cilën ndodhet vendi. Vetë emri i fjalës nënkupton për sjelljen e ndryshimit. Në kohë krizash ka gjithmonë një opurtunitet dhe në këtë fazë mund të dalë një krizë shumëplanëshe që e ka çuar vendin tonë në një udhëkryq ku asnjë prej nesh nuk e di dhe nuk jemi të sigurtë se çfarë do të ndodhë nesër.
Në politikë ka një mbizotërim dhe ai është qëndrimi i përbashkët, ne kemi rënë dakord që të dalim në një listë. Kemi një gjë të qartë që po përballemi me një situatë të deformuar kemi një qeveri që duhet të ishte shkatërruar prej kohësh dhe për shkak të kësaj qeverisje vendi jonë është boshatisur dhe kjo është drama më e madhe. Unë besoj se betejën kryesore do e bëjmë në Tiranë dhe pse nuk përjashtohen dhe qytetet e tjera.
Imami, Rusmali, Bode, etj, janë një ndër kolegët e mi më të aftë që ka pas politika, jo vetëm për eksperiencën por për vendimet e forta, dhe bagazhin politik që ato mbartin. Në lista tona nuk ka politika karriere janë emra jopolitik. Nëse flasim për ndryshim duhet të sjellësh dhe figura që sjellin ndryshim. Ato kanë zgjedhur që tashmë të jenë në profesionet e tyre, unë do të isha e nderuar nëse do të kisha në listat e partisë emra të tillë”, ka thënë Topalli në programin “Log”.
