“Me këto ritme..” Sejko ironizon keq Ramën: Ja sa vite do na duhen për të vaksinuar 1.8 mln njerëz

Aktivisti Genc  Sejko ka ironizuar qeverinë me në krye Edi Ramën në lidhje me procesin e vaksinimit që ka nisur në Shqipëri.

Referuar shifrave zyrtare që ka dhënë kryeministri, në 6 ditët e para janë vaksinuar 369 mjekë dhe infermierë.

Sejko ironizon duke thënë se nga të dhënat që bëhen publike del që qeveria po vaksinon rreth 62 persona në ditë.

Në vijim aktivisti thotë se nëse vaksinon 1.8 milion qytetarë, me këtë ritëm, qeverisë do t’i duhen 29.508 ditë, ose thënë shkurt, plot 80 vjet.

“Kjo vetëm për dozën e parë. Me këto ritme do na kapi pandemia e radhës që vjen çdo 100 vjet”, shton Sejko.