Pas 6 ditësh, Rama zbulon numrin: Ja sa mjekë dhe infermierë janë vaksinuar deri më tani

Kryeministri Edi Rama ka bërë me dije sot në mëngjes se 369 mjekë janë vaksinuar deri më tani me dozat e para të Pfizer.

Gjashtë ditë pasi vaksinat erdhën në Shqipëri, kreu i qeverisë shkruan se tashmë këta mjekë janë të mbrojtur nga virusi i rrezikshëm.

Vaksinimi vazhdon sërish në në Qendrën e Vaksinimit në Air Albania Stadium.

“369 mjekë dhe infermierë të vijës së parë të betejës me COVID19 janë sot më të mbrojtur nga virusi i rrezikshëm, pas kryerjes së dozës së parë të vaksinës antiCOVID në Qendrën e Vaksinimit në Air Albania Stadium, në 6 ditët e para të vaksinimit, teksa procesi do të vijojë edhe sot, pa u ndalur.

Javë pas jave rrisim gradualisht ritmin sipas planit të vaksinimi”,- shkruan Rama.