“Andej nga Korca kësaj i thonë: Epo t’ëmën e…”, gazetari i njohur ironizon qeverinë për vaksinat

Gazetari i njohur Mentor Kikia ka reaguar pas lajmit se Serbia siguroi 1 milion doza vaksine nga Kina. Nëpërmjet një statusi në facebook, ai ka ironizuar qëndrimin e Shqipërisë në politikën e jashtme lidhur me cështjen e vaksinave dhe refuzimin që iu bë propozimit të Rusisë.

“Serbia, me negociata të hapura me BE-në. Mirë me Europën, mirë me Amerikën, mirë me Rusinë. Mirë me Turqinë e mirë me Kinën. Merr 1 milion vaksina nga Kina dhe i tregon edhe flamurin në aeroport. Ndërsa ne u mërzitëm aq shumë me Rusinë që na tha “po të doni, mund të merrni edhe vaksinën tonë”, sa që e quajtëm provokim diplomatik, për tu dukur sa më shumë europianë. Andej nga Korca kësaj i thonë: Epo t’ëmën e…”, shkruan Kikia.

STATUSI I PLOTË:

Çfarë ti thuash kësaj pune!

Serbia, me negociata të hapura me BE-në.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Mirë me Europën, mirë me Amerikën, mirë me Rusinë

Mirë me Turqinë e mirë me Kinën

Merr 1 milion vaksina nga Kina dhe i tregon edhe flamurin në aeroport. Ndërsa ne u mërzitëm aq shumë me Rusinë që na tha “po të doni, mund të merrni edhe vaksinën tonë”, sa që e quajtëm provokim diplomatik, për tu dukur sa më shumë europianë.

Por sërish Europa s’na dha gjë. Dhe kur guxojmë edhe ta kritikojmë pak, Europa na bën edhe nota proteste.

Andej nga Korca kësaj i thonë: Epo t’ëmën e…