“Shpërndani sa më shumë postimet e mia, na kanë bllokuar”, zbulohet sms-ja e Lulzim Bashës

Kryetari i Partisë Demokratike Lulzim Basha, iu ka dërguar një mesazh anëtarëve të Kryesisë dhe krerëve të degëve, që të shpërndajnë sa më shumë në profilet e tyre, postimet e tij.

Gazeta Tema zbulon sms-n që Lulzim Basha ka dërguar dhe kërkon ndihmën e anëtarëve dhe krerëve të degëve të PD-së, pasi thotë se është bllokuar nga mediat që kontrollohen nga pushteti.

“Të dashur miq dhe bashkpunëtorë! Siç e dini, për shkak të kushteve që dikton pandemia por edhe diktatit që pushteti ka mbi shumë media në vend, rrjetet sociale mbeten një mjet i rëndësishëm për shpërndarjen e mesazheve tona tek qytetarët.

Për këtë qëllim është i rëndësishëm bashkëpunimi juaj për të ndarë dhe shpërndarë në profilet tuaja, në rrjetet sociale, veçanërisht, mesazhet dhe postimet tona, në mënyrë që ato të ndiqen, rishpërndahen e lexohen nga sa më shumë qytetarë. Faleminderit dhe punë të mbarë”, thuhet në mesazh.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern