‘Do të kemi 10 herë më shumë raste nëse nuk…’, Merkel bën paralajmërimin e fortë për virusin e ri britanik

Angela Merkel ka paralajmëruar se Gjermania do të ketë dhjetë herë më shumë raste Covid deri në Pashkë nëse ‘nuk arrijnë të ndalojnë këtë virus Britanik’.

Kancelarja u tha ligjvënësve në partinë e saj konservatore se ajo pret që bllokimi i fundit të zgjasë deri në Prill për të ndaluar përhapjen e një lloji mutant më infektiv që u shfaq për herë të parë në Mbretërinë e Bashkuar dhe që prej asaj kohe është përhapur në Evropën kontinentale.

“Nëse nuk arrijmë ta ndalojmë këtë virus britanik, atëherë do të kemi 10 herë më të lartë numrin e rasteve deri në Pashkë. Na duhen tetë deri në 10 javë të tjera masa të ashpra”, tha Merkel, raporton BILD.

Tre pjesëmarrës të takimit i thanë Reuters se Merkel nuk kishte folur në mënyrë të qartë për një zgjatje të bllokimit deri në prill dhe se ajo nuk kishte paralajmëruar për një dhjetëfishim të numrave të infeksioneve në Gjermani.