Rënie temperaturash dhe reshje shiu, ja surprizat që sjell moti për ditën e sotme

Dita e sotme do të karakterizohet nga një mot i alternuar me kthjellime dhe vranësira duke sjellë për pasojë një mot të paqëndrueshem shoqëruar me reshje në të gjithë territorin e vendit.

Por në krahasim me më parë reshjet do të kenë intensitet më të ulët, duke sjellë kështu një përmirësim të situatës me përmbytjet në vend.

Ndërkohë në zonat e thella malore reshjet do të jenë në formën e dëborës.

Sipas Meteoalb, sot temperaturat do të pësojnë një rënie të lehtë, ku do të variojnë: në zonat malore, nga -3°C në 03°C, në zonat e ulëta nga 04ºC në 09°C dhe në zonat bregdetare nga 07°C në 11°C. Era do të fryjë në drejtim Veriperëndimor ndërsa forca e valëzimit në det do të jetë 3-4 ballë.