‘A janë shqiptarët me fat që kanë Ramën kryeministër?’ Mjeku Dasho rendit 4 dështimet me pandeminë

Mjeku i njohur Erion Dasho ka ironizuar deklaratat e kreut të qeverisë Edi Rama, i cili u shpreh se vaksinat kanë ardhur në Shqipëri dhe për faktin se ai është kryeministër.

Eksperti i Shëndetit Publik shton se në sajë të menaxhimit skandaloz të epidemisë prej tij, ministrisë së tij të paaftë dhe komitetit të tij kukull, shqiptarët sot kanë një prej vdekshmërive më të larta nga C OVID, kanë shpenzuar mbi 100 milionë EURO për t’u trajtuar nga C  OVID, kanë shkallën më të ulët të testimit për C OVID dhe përgjithësisht, kanë patur një nga përgjigjet më kaotike dhe totalisht të dështuar.

REAGIMI I PLOTE I MJEKUT ERION DASHO

Sot Borati u kërkoi shqiptarëve të ndihen me fat që kanë atë kryeministër sepse një vend (i fshehtë) ka vendosur të na japë rreth 11 mijë vaksina pikërisht për hir të tij!

Ndërkohë, në sajë të menaxhimit skandaloz të epidemisë prej tij, ministrisë së tij të paaftë dhe komitetit të tij kukull, shqiptarët sot:

1. Kanë një prej vdekshmërive më të larta nga C OVID!
2. Kanë shpenzuar mbi 100 milionë EURO për t’u trajtuar nga C OVID!
3. Kanë shkallën më të ulët të testimit për C OVID!
4. Përgjithësisht, kanë patur një nga përgjigjet më kaotike dhe totalisht të dështuar!

Pyetja që i vjen kujtdo në mend është:

A JANË SHQIPTARËT ME FAT APO PA FAT QË KANË KËTË VERSION SHQIPTAR TË BORATIT PËR KRYEMINISTËR??!!