“Të iki të lë amanetet” Rama tallet me ata që kanë frikë nga vaksina: Unë e kam për herë të tretë

Kryeministri Edi Rama bëri të ditur se ai do të jetë i vetmi anëtar i qeverisë që do të bëjë sot vaksinën anti- C OVID19.

Ai shtoi se arsyeja e një vendimi të tillë vjen për të rritur besimin tek vaksina.

Ndërsa për anëtarët e tjerë të kabinetit, Rama u shpreh se ministrat dhe zv.ministrat, do ta bëjnë sipas rradhës, njësoj si gjithë njerëzit e tjerë.

Por Rama ka zbuluar para gazetarëve se ai nuk do të jetë i pari që do të vaksinohet.

“Sot këtu do jetë profesoreshë Najada Çomo, profesor Tritan Kalo dhe një person tjetër që unë kam ftuar. Është mjeku Pëllumb Pipero, të cilin e besojnë dhe ata që urrejnë Bill Gates. Si gjithmonë unë respektoj gratë, dhe profesoreshë Najada do jetë e para, pastaj unë dhe burrat pas meje.

Kryeministri, shkëmbeu dhe disa batuta me gazetarët që ishin të pranishëm në “Air Albania”, ndërsa theksoi se në orën 15.00 do nisë vaksinimi.

“Tani, me lejen tuaj mund ta mbyllim që të shkoj unë të jap amanetet. Se s’dihet si shkon vaksina, se na mbajtët shumë gjatë këtu. Se janë dhe ata që thonë që po e bëre mund të vdesësh në vend. Kështu që ti marrim këto masa. Aq më tepër unë e kam për herë të tretë vaksinën sikundër e di syri.qimi. Dy herë kam shpëtuar, herën e tretë nuk i dihet çfarë ndodh”, deklaroi Rama.