Nga nesër nxënësit rikthehen në shkollë, ja si do të zhvillohet mësimi

Duke filluar nga dita e nesërme nxënësit do të kthehen në ambientet e shkollave, pas një peirudhe 3 javore pushimi.

Do të jenë 480 mijë nxënës dhe 30 mijë punonjës të sistemit arsimor që do të rinisin procesin mësimor në mënyrë të alternuar, në klasa dhe online.

Sipas vendimit të Komitetit Teknik të Ekspertëve që ka hyrë në fuqi në 1 dhjetor të vitit 2020, nxënësit nga klasa e parë në të pestën dhe klasa e 12-të, do të zhvillojnë mësimin vetëm në shkollë, ndërsa nxënësit nga klasa e 6-të në të 11-ën do ta kryejnë të alternuar, online dhe fizikisht në shkollë.

Por reshjet e dendura të shiut pritet që ta bëjnë më të vështirë mbarëvajtjen e procesit mësimor në disa zona, të cilat janë përmbytur në ditët e fundit.

Ndërkohë studentët e universiteteve e kanë rifilluar mësimin në datën 5 janar, por vetëm online deri në një vendim të dytë të Komitetit të Ekspertëve.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern