Përmbytjet në vend, Rama nxjerr foto nga qendra e Fierit: Para 7 vitesh ishte qamet, e keqja harrohet shpejt

Kryeministri Edi Rama ditën e sotme e ka nisur me një video nga disa vite më parë nga përbutjetet në Lezhë.

Me anë të një postimi në rrjetet sociale, ai shkruan se vite më parë mijëra shtëpi zhyteshin në ujë mijëra krerë bagëti ngordhnin, ndërsa tani situata është më e mirë.

“MIRËMËNGJES dhe me keto sekonda kujtesëfreskuese nga zemra e Fierit (për të gjithë ata të cilëve problematika e derisotme me reshjet intensive nga veriu në jug, u duket si përmbytjet e qametshme të së shkuarës, kur Shqipëria s’kishte një kanal të pastruar nga plehrat dhe mijëra shtëpi zhyteshin në ujë, mijëra krerë bagëti ngordhnin e mijëra familje bllokoheshin brenda apo kalonin netë me radhë nëpër palestra shkollash – çka do kishte ndodhur edhe këto ditë nëse kilometra të pafundme kanalesh kulluese s’do ishin pastruar vit pas viti dhe s’do ishin rindërtuar a riparuar argjinaturat), ju uroj një të dielë të qetë,” shkruan Rama në postimin e tij.