Situatë e rëndë/ Dëmtohet çatia e pallatit 3-katësh, apartamentet mbushen me ujë

Banesat kanë marrë dëmtime nga shirat e dendur që kanë rënë në vend përgjatë tre ditëve. Mësohet se në qytetin e Lezhës uji ka depërtuar brenda apartamenteve dhe në bizneset që ndodhen në katin e parë.

Ndërkohë Dosja.al ka siguruar pamjet që vijnë nga çatia e një pallati 3-katesh në lagjen “Besëlidhja” të qytetit të Lezhës i cili është dëmtuar nga moti i keq. Objekti i ndërtuar para viteve 80 ka patur dëmtime që nga tërmeti i 26 nëntorit të vitit 2019-të dhe situata e motit e ka përkeqësuar edhe më shume situatën.

Situata në vend është ende e rëndë. Shumë qytetet janë përmbytur, banesa po ashtu. IGJEUM ka paralajmëruar se kjo gjendje do të vijojë deri më 11 janar./ dosja.al