“Do siguronte azil politik” Befason Kryemadhi, tregon arsyen e vizitës së Ramës në Turqi

Kryetarja e LSI Monika Kryemadhi ka bërë mbrëmjen e sotme një deklaratë shumë të fortë.

Sipas saj kryeministri Edi Rama shkoi në Turqi për të përgatitur azilin e tij politik pas zgjedhjeve të 25 prillit.

Ndërkohë, ajo shtoi se pas zhvillimit të zgjedhjeve vendore, kushdo që ka shkelur sovranitetin e vendit do të përfundojë në sallën e gjyqit.

“Nuk mund të gjykoj presindetin Erdogan. Unë dua të gjykoj kryeministrin tim. Bëri atë paraqitjet në momentin kur vendi po kalon një krizë shëndetësore si ajo e pandemisë së koronavirusit. Nuk do të dëshiroja që vizita e Ramës do të vendoste integritetin dhe sovranitetin për të siguruar një azil politik për veten e tij. Unë them se vizita e Edi Ramës ashtu ka qënë për të përgatitur azilin e tij politik,” tha Kryemadhi për emisionin “Java” në RTSH.