Po bën xhiron e rrjetit/ Protestat në Amerikë, artisti i njohur nxjerr foton që tërhoqi vëmendje

Një nga lajmet që bëri më shumë bujë këtë javë, është padyshim protesta e mbështetësve të presidentit Donald Trump, të cilët u futën brenda në sallë ku po mbahej mbledhja e Kongresit Amerikan.

Në shenjë revolte për certifikimin e Joe Biden si fitues të zgjedhjeve dhe për pasojë si president i 46 i SHBA-së, ata shkaktuan mjaft trazira dhe rrëmuja, ku mbetën të vrarë 4 persona.

Së fundmi një artist i njohur Indian, ka krijuar një skulpturë rëre kushtuar pikërisht ngjarjeve në Capitol Hill.

Sudarshan Pattnaik tha se synimi është të përcjellë mesazhin “Le të triumfojë demokracia”, pas reagimeve të shumta mbarëkombëtare që e cilësuan protestën sulm ndaj tempullit të demokracisë.

Mesazhi është ndarë gjerësisht në rrjetet sociale.