“Të mos përsëriten…” Situata nga moti i keq, Rama i jep urdhërin e prerë ministrave

Në mbledhjen me Komitetin Ndërministror të Emergjencave Civile që zhvilloi për situatën e shkaktuar nga moti i keq, kryeministri Edi Rama kujtoi përmbytjet e ndodhura më herët në vend, si ato në Shkodër në kohën kur në pushtet ishte qeveria e Berishës.

Rama nënvizoi se ngjarje të tilla dramatike nuk duhen të përsëriten më, pasi për shkak të paaftësisë kanë shkaktuar dëme të jashtëzakonshme sipas tij.

“Diçka që nuk u  tha sepse nuk kishte sesi të thuhej për shkak të specifikës është pikërisht administrimi i kaskadës në funksion të domosdoshmërisë për të pasur në kontroll të gjithë këtë prurje dhe patjetër në funksion të kujtesës së mirë që të mos përsëriten ngjarje dramatike që për fat të keq kanë ndodhur shumë kohë më parë, të cilat kanë shkaktuar dëme të jashtëzakonshme si rezultat i paaftësisë. Për këtë aspekt shumë specifik  por edhe të rëndësishëm nga pikëpamja e informimit të qytetarëve dëshiroj tja kaloj fjalën ministres së infrastrukturës”, u shpreh kryeministri.