Situatë alarmante në Lezhë/ Lumi Drin del nga shtrati, rrezikohen banorët. Ushtria zbarkon në terren

Pas kërkesës që bënë autoritetet vendore, forcat e ushtrisë kanë zbritur në qendër të Lezhës.

Ndërkohë niveli i lumit Drin vijon të jetë i lartë, që pasi doli nga shtrati duke sjellë përmbytjen e dhjetërave hektarë tokë.

Mësohet se ushtria ndodhet në qendër të qytetit dhe po rri në gadishmëri për të ndërhyrë në rast se do të jetë e nevojshme.

Aktualisht reshjet e shiut po vazhdojnë duke krijuar problematika në disa zona.

Lagja “Besëlidhja” në Lezhë është përmbytur nga vërshimi i ujit, i cili ka hyrë në blloqet e pallateve. Ndërkohë në lagjen e Spitalit disa familje janë të rrezikuara për shkak të gërryerjes së tokës si pasojë e rrëshqitjes së dheut.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern