Toka nuk gjen qetësi/ Kroacia goditet sërish nga një tërmet i fortë, banorët kalojnë 10 sekonda tmerri

Pas tërmetit shkatërrues që tronditi qytetin e vogël të Petrinas ku u shkaktuan 7 viktima, një tjetër lëkundje e fuqishme ka goditur Kroacinë mbrëmjen e sotme.

Ato u ndjenë në zonën e Brest Pokupski.

Mediat vendase bëjnë me dije se lëkundja zgjati rreth 10 sekonda, dhe shkaktoi mjaft panik te banorët.

Sipas të dhënave të Institutit të Gjeoshkencës në Kroaci, tërmeti ka qenë 5.6 ballë, 47 km larg Zagrebit.

Ende nuk raportohet për dëme materiale apo njerëz të lënduar.

Kujtojmë se ky është tërmeti i tretë i fuqishëm që shkund Kroacinë në harkkun kohor të më pak se një muaji.