Vaksinimi në Shqipëri/ Rama dhe Manastirliu shkojnë në “Air Albania”, tregojnë se si do të bëhet procesi (VIDEO)

Ditën e sotme kryeministri Edi Rama dhe ministrja e Shëndetësisë Ogerta Manastirliu kanë vizituar stadiumin “Air Albania”.

Aty do të instalohet dhe Qendra e Parë e Vaksinimit anti- C OVID19.

Manastirliu u shpreh se në të gjithë stadiumin do të ketë 60 stacione vaksinimi.

Sipas saj për një orë parashikohet që të vaksinohen 60 persona.

Personat që do të shkojnë për të marrë vaksinën do të ulen fillimisht në poltronet e paravaksinimit ku do të plotësojmë anamnezën, ndërsa pas vaksinimit do të duhet të qëndrojnë edhe 30 minuta të tjera në qendrën e vaksinimit.

Sipas saj, Shqipëria ka kapacitete për të pritur deri në 30 mijë vaksina, ndërsa po punohet që kapacitete frigoroferike të rriten edhe më tej.

“Janë marrë masat për të gjithë elementët e sigurisë, duke filluar nga bokset e para. Do të kryhen disa procese. Do të ulen në poltronat e paravaksinimit, duke plotësuar anamnezën. Më pas bëhet vaksina dhe është i nevojshëm qëndrimi 30 minuta pas vaksinimit. Do të kemi skuadrat e vaksinatorëve dhe kordinatorëve. Do të kemi ekipet e urgjencës që do të vendosen nëpër stacione të përcaktuara. Në të gjithë stadiumin do të jenë 60 stacione vaksinimi. Parashikojmë që gjatë një ore të vaksinohen 60 qytetarë dhe të vazhdojmë vaksinimin 8-10 orë në ditë. Kemi bërë gati të gjitha listat e mjekëve dhe infermiervëe, fillojmë me mjekët e spitaleve COVID.
Kemi kapacitetet për të pritur deri në 30 mijë vaksina, kemi siguruar kapacitetet frigoroferike dhe po punojmë për t’i rritur këto kapacitete”, deklaroi ministrja Manastirliu.