LIGJET E BIZNESIT
Humbja në zgjedhjet e 3 nëntorit nuk po kapërdihet aspak nga presidenti i SHBA-së, Donald Trump.
Madje, mbrëmjen e sotme, gazeta amerikane “Washington Post” ka publikuar një regjistrim telefonik mes Trump dhe Sekretarit të Shtetit të Xhorxhias, Brad Raffensperger.
Në regjistrimin e siguruar dëgjohet Trump që i kërkon llogari dhe të “gjente” votat e mjaftueshme për të përmbysur humbjen e tij në një telefonatë të jashtëzakonshme një orëshe të shtunën që ekspertët e zgjedhjeve thanë se ngritën pyetje ligjore.
Madje, Trump e kërcënoi Raffensperger me pasoja të paqarta kriminale nëse sekretari i shtetit refuzonte të ndiqte pretendimet e tij të rreme, në një moment duke paralajmëruar se Raffensperger po ndërmerrte “një rrezik të madh”.
Gjatë thirrjes, Raffensperger dhe këshilltari i përgjithshëm i zyrës së tij hodhën poshtë pohimet e Trump, duke shpjeguar se presidenti po mbështetet në teoritë e komplotit të rrënuar dhe se fitorja e Presidentit të zgjedhur Joe Biden me 11,779 vota në Gjeorgji ishte e drejtë dhe e saktë.
Pjesë nga biseda:
“Njerëzit e Xhorxhias janë të zemëruar, amerikanët janë të zemëruar“, tha Trump në bisedë, “Dhe nuk ka asgjë të keqe të thuash, e di çfarë i rillogaritëm rezultatet” vijon më tej ai.
“Pra ajo që dua të bëj, është thjesht të gjej 11,780 vota, që është një më shumë se sa kemi. Sepse ne e fituam shtetin” shprehet Trump duke këmbëngulur.
“Ju jeni një Republikan” i tha Trump në një moment, por Raffensperger iu përgjigj “Ne besojmë se kemi një zgjedhje të saktë“, ndërsa Presidenti në detyrë iu u përgjigj, “Jo, jo” duke mos e pranuar humbjen.
Raffensperger i tha Trumpit se po mbështeste teori konspirative të hedhura tashmë poshtë, ndaj atyre që ai i cilësoi si zgjedhje të lira e të drejta.
Por çfarë thonë protagonistët? Shtëpia e Bardhë nuk pranoi të komentojë, ndërsa zyra e Raffensperger nuk iu përgjigj kërkesave. Edhe Presidenti i zgjedhur Biden nuk ka bërë asnjë koment.
