“Në orët e vona të mbrëmjes së të enjtes do kemi”/ Ja çfarë kanë parashikuar sinoptikanët për javën që vjen

Shërbimi Meteorologjik Ushtarak parashikon se javën që vjen moti do të jetë i paqëndrueshëm, me vranësira mesatare dhe të dendura shoqëruar me reshje shiu dhe dëbore. Po ashtu nuk do të mungojnë orët me kthjellime, por për më tepër detaje shihni tabelën.

Kryefjala e javës që presim përpara do të jetë moti i paqëndrueshëm me vranësira mesatare dhe të dendura (nuk do të mungojnë orët me kthjellime) shoqëruar me reshje shiu dhe dëbore. Por le ti shohim ditët më konkretisht.

Për ditën e nesërme pritet që moti të jetë kryesisht i vranët por edhe alternime kthjellimesh në orët e mesditës. Reshje shiu të herëpashershme me intensitet të ulët, ndërsa në zonën e juglindjes priten reshje të dendura dëbore.

Reshjet e shiut të vazhdueshme me intensitet mesatar rikthehen ditën e Mërkurë ndërsa në relievet malore në verilindje në lartësitë mbi 500 metër reshje të dendura dëbore dhe në zonën e juglindjes në lartësitë mbi 800metër.

Për ditën e Enjte dhe të Premte pritet që moti të jetë me alternime kthjellimesh dhe vranësirash me këto të fundit të shoqëruar me reshje shiu të herëpashershme me intensitet të ulët. Në orët e vona të mbrëmjes të ditës së Enjte dhe orët e para të mëngjesit të ditës së Premte në relievet malore në lindje në lartësitë mbi 300 metër reshje dëbore”, njofton SHMU.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern