Ja kur rihapet sërish orari deri në orën 22:00, hapur edhe lokalet

Data 4 Janar, është dita e fundit kur qytetarët duhet të mos dalin nga banesa pas orës 20:30. Sipas vendimit të Komitetit Teknik, baret, restorantet dhe lëvizja në vend prej datës 24 Dhjetor 2020-4 Janar 2021, lejohej deri më orën 20:30.

Dita e hënë do të jetë e fundit, pasi më pas rikthehet ora policore në 22:00, duke përfshirë edhe baret e restorantet që të qëndrojnë hapur deri në këtë orë.

“– Prej datës 5 Janar kufizimi i lëvizjes rikthehet në orën 22:00, sipas specifikave që tashmë të gjithë i njohim.

– Prej datës 5 Janar kufizimi i aktiviteteve të bareve dhe restoranteve rikthehet në orën 22:00”,- thuhet në vendimin e Komitetit Teknik.