“E dija që më tradhëtonte” Flet gruaja e Përparim Ademit: Heshta për familjen, u bëra shoqe me 2 motrat

Marrëdhënia e 59-vjeçarit Përparim Ademi me viktimën Zhaneta Metani ka nisur 20 vjet më parë.

Ndërkohë është zbardhur dhe dëshmia e bashkëshortes së Ademit para grupit hetimor.

Ajo ka deklaruar se ka qenë në dijeni të tradhëtisë së bashkëshortit me dy motrat.

Sipas saj, për të mbajtur familjen të bashkuar ka zgjedhur të heshtë, madje ka arritur deri aty sat ë bëhet dhe mikeshë me dy motrat.

Ajo ka shtuar se ka patur hyrje dhe dalje familjare me ta, madje edhe kanë udhëtuar së bashku. Përparim Ademi, para gjyqtarit Gend Hoxha, ka pretenduar se ka një fëmijë me njërën prej motrave, por që nuk e ka regjistruar në emrin e tij.

Por si ndodhi ngjarja?

Përparim Ademi, para se të ngjitej në apartament, ka marrë njërin nga fëmijët që po luante poshtë pallatit duke e përdorur si karrem për të hyrë brenda. Dy motrat Kristina Bardhi dhe Zhaneta Metani kanë qenë duke ngrënë bukë. Në momentin që është hapur dera dhe motrat kanë parë që është ai, kanë tentuar të mbyllin derën. Menjëherë 59-vjeçari Përparim Ademi ka hapur zjarr, fillimisht në derë dhe pastaj në  me drejtim të motrave, të cilat kanë qenë të shtrira. Në vendin e ngjarjes janë gjetur 26 gëzhoja plumbash, ndërsa vetëm 5 prej tyre kanë qëlluar motrat Bardhi e Metani. Pasi ka kryer krimin, 59-vjeçari ka qëlluar nëpër muret e banesës, më pas ka lënë armën tip automatik kinez dhe është larguar nga vendi i ngjarjes. Automatiku është gjetur karikatori bosh, të cilin e ka zbrazur në trupat e viktimave dhe në banesën e tyre.

Përparim Ademi akuzohet për veprën penale “vrasje për shkak të marrëdhënieve familjare”.