“Shet dështimet si suksese”, Basha ironizon Ramën: Premton se do sjellë vaksina, ndërsa në Nju Jork shkoi për këpucë të reja

Kreu i PD, Lulzim Basha ka reaguar pak minuta pasi kryeministri Edi Rama deklaroi se ka arritur marrëveshjen me Pfizer dhe ka siguruar 500 mijë doza vaksinash, ndërsa të parat do të vijnë në javën e tretë të janarit. Me anë të një statusi në Facebook, Basha tha se kryeministri po përpiqet të shesë dështimet si suksese pasi është tepër vonë në krahasim me vendet e tjera.

Sa i përket vizitës në Nju Jork, për të cilin Rama tha se “shopping mbaroi me sukses”, duke iu referuar marrëveshjes për vaksinat, Basha u shpreh se në fakt shkoi për të blerë këpucë të reja.

Lulzim Basha: Si përherë Rama përpiqet t’i shesë dështimet si suksese. Shqipëria është vendi që jep ndihmën më të vogël ekonomike për qytetarët e saj. Rama premton të sjellë shumë pak vaksina, dhe shumë vonë krahasuar me vendet e tjera. Serbia dhe Maqedonia e Veriut kanë nisur ndërkohë vaksinimin, ndërsa Rama shkoi në Nju Jork për të blerë këpucë të reja! Ky i dështuar duhet të largohet nga qeverisja, që Shqipëria të ndryshojë e të shpresojë sërish.