LIGJET E BIZNESIT
Detaje të reja bëhen me dije nga vrasja e dy motrave në zonën e “Astirit”, ngjarje që tronditi dje kryeqytetin.
Kristina Bardhi 53 vjeç dhe Zhaneta Metanit 45 vjeç u vranë dje me ak-47 nga 59-vjeçari Përparim Ademi. Policia në vendngjarje gjeti 26 gëzhoja kallashnikovi. Pas krimit autori e la armën në apartament me karikator të zbrazur dhe u largua.
Dy orë nga ngjarja ai u kap pranë shkollës Vasil Shanto në Tiranë. Mesa duket lidhja dhe ngatërresa që 59-vjeçari kishte me të dyja motrat është bërë shkak i këtij krimi monstruoz.
Përparim Ademi (Tela) ka shfaqur pendesë për krimin e rëndë teksa ka pohuar në polici se ishte i lidhur me Zhanetën, por distancimi i saj dhe njohja me dikë tjetër duket se ka sjellë dhe vrasjen. Në dëshminë e tij 59-vjeçari ka deklaruar se është i martuar, por njëkohësisht dhe kishte lidhje me 45-vjeçaren.
“Jam i martuar, por prej kohësh frekuentohem me dy motrat Kristinën dhe Zhanetën. Ato të dyja ishin të divorcuara. Kristina jetonte në Greqi dhe takoheshim rrallë ndërsa me Zhanetën kam qenë i lidhur. Ajo nisi të distancohej me mua dhe mesa kuptova kishte nisur lidhje me dikë qëllova. Jam penduar për krimin”, ka deklaruar autori.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
