Dalin detaje tronditëse/ U tha se i mori jetën nënës, autori qëllon për vdekje dy motrat në Tiranë

Dalin detaje të rënda nga ngjarja që tronditi Tiranën mëngjesin e sotëm.

Mësohet se dy motra janë vrarë me automatik në zonën e Astirit.

Sipas informacioneve autori i identifikuar si Përparim Tela, shtetas maqedonas, ka qëlluar me armë bashkëjetuesen e tij dhe më pas motrën e saj, duke i lënë të vdekura në vend.

Viktimat janë identifikuar si shtetaset Kristina Bardhi dhe Zhaneta Metani.

Dyshohet se pas krimit, autori ka plagosur dhe veten por është larguar nga vendi i ngjarjes. Policia ka nisur hetimet, teksa ka ngritur postblloqe dhe pika të shumta kontrolli për kapjen e autorit.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Fillimisht u tha se bëhej fjalë për një person që kishte qëlluar mbi nënën e tij, por më pas policia ka dhënë dhe njoftimin zyrtar për ngjarjen e rëndë dhe atë që kishte ndodhur në të vërtetë.

NJOFTIMI ZYRTAR I POLICISE

Tiranë/ Informacion paraprak Më datë 31.12.2020, rreth orës 10:30, në Astir, shtetasi P. A., 59 vjeç, dyshohet se gjatë një konflikti të çastit, ka qëlluar me armë zjarri bashkëjetuesen e tij dhe motrën e saj, ende të paidentifikuara, të cilat si pasojë e plagëve të marra kanë ndërruar jetë. Menjëherë në vendngjarje kanë shkuar forca të shumta policie, të cilat kanë rrethuar zonën, me qëllim kapjen e autorit. Janë ngritur pika kontrolli në të gjitha akset rrugore dhe vijon puna nga grupi hetimor, nën drejtimin e Prokurorisë, për sqarimin dhe dokumentimin e plotë të rrethanave të ngjarjes.