Ekzekutimi i dy biznesmenëve nga Laçi në hotel, Prokuroria bën lëvizjen me të fundit

Pas ekzekutimit të dy biznesmenëve Bujar Lika dhe Paulin Gjergji në një hotel në Lac, Prokuroria ka vendosur të mbyllë hetimet.

Mësohet se të pandehur janë marrë  4 persona, Eduard Lamaj, Ilir Xhepaj, Klaudio Përkola dhe Oltion Vlashi të cilët dyshohen si autorë të krimit.

Ende nuk dihet arsyeja e kësaj vrasjeje, pasi bëhet me dije  se autorët dhe biznesmenët nuk kanë patur ndonjë konflikt të mëparshëm.

Krimi është zbardhur pas verifikimit të kamerave të sigurisë.

Ngjarja e rëndë ndodhi me 30 maj të këtij viti në një hotel në Laç. Nuk dihet akoma se cili nga viktimat ka qenë objektivi i autorëve.

Viktimat kanë shkëmbyer zjarr me autorët, ku mbeti i plagosur edhe i pandehuri Eduard Lama. Ai u kurua në një spital privat në Tiranë, duke u munduar që të fshehë ngjarjen.

Mjekët që e kuruan u arrestuan, por më pas gjykata i liroi.